Жин хасав

Жин хасах ч миний хувьд айхтар хүнд ажил биш бололтой, одоохондоо.
Жор нь гэвэл:
1. бага унтаад,
2. бага идээд,
3. сэлээд байх.
2-3 цагийн нойр, 2 хоол, 30 мин сэлэлтээс өдрийнхөө эрч хүчийг аваад яваад байхад 7 хоногт 3 кг хассан байна. Хурдан жин хасахын нэг муу нь гэнэт футболканууд хүлхийж, өмд тэлээгүй унаад, бас жаахан тамиргүй болчихдог юм байна. Жин хасч тэмцээнд ордог тамирчид яаж болдог байнаа...

Гэхдээ гуалиг энэ тэр болох гэж ингэсэнгүй л дээ. Юмыг цагийг нь тулгаж хийх гээд байдаг муу зуршлаас болж судалгааныхаа явцын илтгэлийн өмнөх хэдэн өдрүүдэд өөр сонголтгүй болж үлдсэн нь энэ. Уул нь хэдэн сарын хугацаатай байсан ч үр бүтээл муутай өнгөрөөчихсөн болохоор ихэнх ажлаа deadline-ий өмнөх хэдэн өдөрт овооруулчихав. Өмнө нь болохоор цаг байгаа гээд хийх хүсэл төрөхгүй, хийх гээд суусан ч сайн төвлөрөхгүй яваад л байлаа.

Ингээд илтгэлээс 10-аад хоногийн өмнөөс л сая нэг "ухаан орж" хүссэн хүсээгүй өдөржин Excel-ээр "занималдах" болов. Уул нь яг бариад авахаар гайгүй хурдан урагшилчих юман дээр л халширч суусаар нэлээд цагийг үр бүтээлгүй өнгрөөчихснөө ойлголоо. Олдохгүй байх гэж бодож байсан дата-нуудаа ч яг хайгаад үзтэл гайгүй олдчихлоо. Нэг сонирхолтой зүйл гэвэл, Монголын тухай датаг орос хэл дээр Японы сургуулийн номын сангийн хүн бараг ашигладаггүй хэсгээс олов. Орос хэл сурч байсан маань 10 жил төгссөнөөс хойш бараг анх удаа л ингэж хэрэг нь гарав.

Ямар ч байсан хэрэгтэй дата-нуудаа бараг олчиxсон болохоор дараагийн ажил нь эмхлээд, тооцоогоо хийгээд, илтгэлээ бэлдэх. Ялангуяа дата эмхлэх хүнд биш мөртлөө ажиллагаа ихтэй хамгийн балиар "хар" ажил байв. Гайгүй хөгжимгүйгээр цаана нь гарах аргагүй санагдав. Өлсөхөөрөө хоол хоолоо идээд, ядрахаараа явж сэлчихээд л, үүр цайгаад ирэхээр хэсэг дуг хийчихээд л хөгжмөө сонсоод л хуруугаа кийборд хэдэн өдөр дискодууллаа. Бас Бразил кофенд нэлээн оров.

Ингэж ингэж илтгэл тавьхаас 2 цагин өмнө л бүx зүйлээ дуусган, 1 давтаж үзээд, тараах материалуудаа хэвлээд ерөнхийдөө бэлэн болов. Азаар бороотой байсан тул Токиогийн саун шиг бүгчим халуун арай сэрүүсч, гайгүй хоол идэх сонирхолтой болсон байлаа. Хэдэн өдөр алгассан өдрийн хоолонд орчихоод үсээ янзлаад анги руу алхав. Каффеин, бассеин 2 оор дутуу нойроо сэргээгээд яваад байсан болохоор яалт ч үгүй муухай царайтай...

Илтгэл дээр me against 3 профессор, 4 доктор, 2 мастерийн оюутан. 30 минут орчим яриад гайгүй дуусгасан ч шүүмжлүүлэх зүйл нэлээд гарав. Бага хугацаанд яаруу хийсэн маань ч яалт ч үгүй нөлөөлөв. Дутуу зүйл ч их байлаа, өөрөө огт олж хараагүй зүйл, шинэ санаанууд ч их байлаа. Багш нар аргагүй хийдэг ажил нь paper бичих болохоор нэлээн хэрэгтэй зөвлөгөөнүүд өглөө.  Явцын илтгэл болохор шууд маш сайн байснаас эхэндээ алдаатай байсан нь дээр байх л даа. Гэхдээ дараагийн илтгэлээ эртнээс сайн бэлдэж орохгүй бол...Хийх зүйл нэлээд тодорхой байсан тулдаа л энэ удаад богино хугацаанд хийж амжууллаа.

Хурд нэлээн саараад, хорвоо дэлхий slow motion-д ороод зомби царайлчихсан ч, гэхдээ цээжнээс нэг хэсэг ачаа аваад хаячихсан юм шиг арай хөнгөрчихсөн ангиас гарч ирэв...

First impression

Өнөөдрийн оюутны холбооны удирдах зөвлөлийн сонгуулиас энгийн хэрнээ яагаад ч юм өмнө нь нэг их анзаарч байгаагүй зүйлийг ажиглалаа. First impression хэр чухал болохыг.
Нэр дэвшигчид санал хураалтаас өмнө өгөгдсөн асуултуудын дагуу 2 мин орчим танилцуулга яриа хийх байв. Энэ удаад өөрөө performance хийх биш, бусдын performance-ийг дүгнэх байранд байсан болохоор нэлээн өөр өнцгөөс харах боломж олдсон юм. Өмнө нь ажиллаж байсан эсвэл network сайтай танигдчихсан хүмүүсийн хувьд 2 минутыг бөглөхөд нэг их асуудал гарсангүй, ярианы сайн муугаас хамаарах impact нь ч бага байлаа. Харин шинэ хүмүүсийн хувьд байдал нэлээн өөр, ярианд нь илүү анхаарал татагдаж байв. Сонгуулийн дүнг харахад богинохон ч гэсэн энэ хугацаанд төрүүлсэн impression-оор л дүн гарсан байв.

There is no second chance to make a first impression...

Mongold

Ирээд маргааш нь дүүгийн найзуудтай шууд зал. Ачаа хэтрүүлэн байж пүүзээ авчирсан харин хэрэг болов. Хэдэн анги дор байсан хүүхдүүд одоо мундаг залуучууд болсныг хараад хамгийн түрүүнд бодогдсон зүйл гэвэл about getting older...

Тэгээд мэдээж уулзалтууд. Найзуудаас ойрын хэдэн сар, заримдаа хэдэн жилийн мэдээлэл шинэчилж авах гээд бөөн excitement. Pub-уудаас гадна цагийг зугаатай өнгөрөөх боломжийн газрууд нэлээд нээгдсэн нь дажгүй санагдав. Онгоцноос хоцрох гээд ATM орж амжилүй, ирээд гэрийхнийг паразит-лаж байгаа болохоор жаахан үнэтэй санагдсан л даа.( цалинтай хүмүүст бол боломжийн) Харин өмнө нь өөрөө цаг барилгүй "хашраачихсан" болохоор энэ жил "хариугаа авч" байгаа нөхдүүд хэд хэд тааралдлаа. Гэхдээ товлосон цагаас 1 цаг өнгөрөхөд ирэх ёстой хүмүүсийн тал нь цуглаад, дахин нэг цаг хүлээгээд эхэлсэн нэг хамаатны BDParty шиг зүйл бол тохиолдоогүй л дээ .

Анхны план-аар бол удахааргүй байсан ч, 9 сарыг дуустал байх болчихсон болохоор нэг найзын хуриманд оролцож амжихаар болов. Зочноор оролцох анхны хурим тул нэлээд excited. Харин өмсөх зүйл байдаггүй. Арай ч ноосон цамцтай очилтой нь биш гээд дээгүүрээ дүүгийн пиджак, цамцнаас сонголт хийв. Бусад найзуудтай ярьж байгаад товлосон 10 цагт яваад очлоо.Оройны. Хосуудын монгол дахь найзууд болох урлаг, загварын хүрээнийхэн голцуу цугласан тансаг орчин угтав. Пүүз, жинстэй хүн харагдсангүй. Бусад Японд сурдаг хэд ч гангалах хувцас авчраагүйд баяртай байлаа...Хуриманд нэг газар багтахааргүй олон хүн цуглахаар бол 2 хуваачих нь муугүй санаа шиг санагдав.

Амралтаа компьютер, стрестэй холбоотой асуудал, зарим нэг practice гэх мэт өөртөө зориулъя гэж бодож байсан болохоор Монгол дахь зуны workshop-д бүрэн оролцсонгүй. Уул нь 10 жилийхэнд зориулаад 1,2-ийнхон голлон хийдэг project-ын маань агуулга ч, оролцогчид ч энэ жил нэлээд өөр байлаа. Энэ нь шинэ оюутнуудаа татан оролцуулах тал дээр сайн ажиллаж чадаагүйтэй нэлээн холбоотой байх. Зохион байгуулалтын хувьд зарим нэг хүмүүс дээр ачаалал хэтэрхий төвлөрсөн нь харагдаж байсан.

Workshop той холбоотойгоор Японы сайн дурын нэг байгууллага Монголд мод тарих ажилдаа оролцооч гэсэн хүсэлт тавиад очтол ямар ч хийх ажил байсангүй. Цуг хотоос гарч тарьж буй модыг нь үзээд, үнэгүй хоол идээд л буцав. Хамтарч ажилладаг таньдаг нэг ажилтан "Хичээвэл мод ургуулж болдог юм байна гэдгийг нэг ч гэсэн олон Монгол хүнд ойлгуулах гэсэн юм" гэж ярихыг сонсоод л цуг явсан учраа ойлгов. Буцах замд өөдөөс мод хулгайгаар ачдаг машинууд очерлоод явж байв...

Зун ч дуусч, цас ч оров. Гэртээ сууж байгаад ханиад хүрчихэв. Сүүлийн 14 жилд тохиолдоогүй онц үзэгдэл болохоор хүчтэй байсан бололтой. Гэхдээ хэд хоногийн өмнөөс анхааруулан, зарим нэг арга хэмжээ авсны үр дүнд хүн малын хохирол гайгүй байсан гэж ТВ-ээр ярих. Миний хувьд ханиадны "ачаар" энэ долоо хоногийн плануудаа бүгдийг нь cancel хийсэн ч, гарчиглах гэж авч ирсэн хэдэн номоо эргүүлж, энэ урт бичлэгийг оруулах цагтай болов...

News

Сайн мэдээ:UB-д төв замаа хаагаад, засч байна
Муу мэдээ: төв зам хаагдаад, бөглөө дээд цэгтээ хүрч байна
Үр дүн: Уншихаас гадна алхдаг, эсвэл жийдэг амьдралаас холдоод хөлөө ч бас амраая гэсэн болсонгүй. Хаа ч хүрсэн хот дотор алхах нь хурдан болохоор...

Сайн мэдээ: Дэлхийн банкнаас Монгол хямралаас гарсныг зарлав.
Муу мэдээ: Монголд бензиний үнэ нэмэгдэнэ гэнэ...

Spring vacation

Буцаж ирээд бараг 7 хоночихов. Зарим газраар сакура дэлгэрээд эхэлчихснийг эс тооцвол өөр содон өөрчлөлт анзаарагдсангүй. Нөгөө л бучигнасан олон хүн, өнөө л хэвээрээ.

Монголд цаг хурдан өнгөрч нэг л мэдэхэд эргээд ирлээ. Сонин хачин гэвэл Цагаан сар, Мартын 8 тэгээд цэргийн баяр гээд ар араасаа үргэлжлэх баярууд. Хөдөөгүүр харин цас шороо холилдож баахан шуураад л... ТВ-ээр солонгос кино, эсвэл Оюу толгой тойрсон асуудлууд 24 цаг. Гадуур xаврын салхинаас болсон уу, хямрал тэгж нөлөөлсөн үү, нэг л хөмсгөө зангидсан баргар царайтай хүмүүс. Гэхдээ арай өөр дүр төрх жолооны ард сууx зарим хүмүүсийн нүүрэнд тодорно. гоё машинд суухаар тэгдэг байж ч магадгүй л дээ. Харин нэг баттай зүйл гэвэл гоё машин гоё бүсгүй хоёрын хоорондын хамаарал их хүчтэй...

Амралтаар хотоос ч гарсангүй, Mass, Metro ч орсонгүй, найзуудтай нийлж ганц грушка пиво ч уусангүй. Ерөөнхийдөө зурагтаа Bloomberg дээр тавьчихаад гэртээ л...Зарим төлөвлөсөн зүйлсээ хийв, зарим зүйлийг амжсангүй,гэхдээ хамгийн гоё амралт байв. Магадгүй ахиж надад олдохгүй боломж тохион, эрхэм нэг хүнтэйгээ хамт байсан болохоор үүнээс илүү амралт надад хэрэггүй байлаа.

Chocolate

Жаахан ханиад хүрчихээд хамрын дусаалга, салфетка халаасандаа байнга байлгадаг болов. Хайрцаг шоколад ч бас аль нэг карманд үргэлж бэлэн. Ханиадтай ч хамаагүй л дээ. Тархины үйл ажиллагаанд сайн, ШУ-аар батлагдсан зүйл гэж земигийн багш яриад байдаг болохоор(Ер нь бол мань эр өөрөө идэх дуртай юм шиг байгаа юм хэхэ) л хэрэг болж юуны магад гээд шалгалтын term-д баахан шоколадтай найзлав. Надад нөлөө нь тэгж хүчтэй мэдэгдсэн юм алга, багшийн хувьд шалгалтанд шоколад барьж орсоор докторын зэрэг хүртэл явчихсан гээд байгаа...

Маргааш Accounting-ийн сүүлийн шалгалтаа өгөөд удаан хүлээсэн амралт эхлэх гээд байдаг...Ойрд болж буй гайхалтай цэлмэг өдрүүдийг "шоколадтай" шалгалтуудын ачаар мэдэрсэнгүй өнгөрөөж , номын сангийн цонхоор л гадагш харан "санаа алдахаас" хэтэрсэнгүй.

Одоо уул нь жаахан л үлдлээ.

Өмнө нь нэг сэргээгээд харчихъя гээд суусан чинь нэг л урагшилж өгдөггүй ээ. Ханиаднаас болов уу, эсвэл "бензин" дуусчихав уу, хийх сонирхол ч төрдөггүй, хүчлээд ч явдаггүй. Уул нь ч эртнээс бэлдсэн л дээ, гэхдээ л やばい... Өглөө оройноос сэргэлэн гээд эртхэн унтдаг ч юм бил үү. Нэг хайрцаг шоколад тооны машинтайгаа бариад л орно доо...

Changes

Шинэ долоо хоног, шинэ сар, шинэ цас, шинэ ерөнхийлөгч, шинэ ажил...бүх юм шинэ. Бараг л...

Японд энэ долоо хоногт анхны цас оров. 2 дахь өдөр орсон цас жил бүрийн дунджаас 8 өдрөөр хоцорсон юм гэнэ. Хойд нутгаар орсон болохоор хараагүй л дээ. Манай энд бүр орохгүй ч байж магад, аз таарвал хальт будраад өнгөрвөл л их юм .Гэхдээ газарт буугаад л бараг хайлчихна...

Дэлхийд эдийн засгийн хямрал үргэлжилсээр.10 дугаар сард үнэт цаасны зах зээл дээрx алдагдал $5.8 триллионд хүрч, 30 хоногт хамгийн их мөнгө салхинд хийсгэсэн шинэ рекордоо тогтоож гэнэ. WOW!!! 1 өдөрт л 30 Монгол улс алга болоод байвал...

Америкт өөрчлөлт хэрэгтэй гэж хэвлэлээр бичих юм.Анхны эмэгтэй дэд ерөнхийлөгч л Бушийн засаглалд МкКэйний авчрах нэг шинэ зүйл байсан гэх. 2 жил үргэлжилсэн нүсэр кампанит ажлынхаа сүүлийн орой She has gone home гэж хэлэхэд нь Обамагийн хацар дээгүүр нь нулимс урсаж байгаа харагдсан. Эмээ нь дахиад 2 өдөр тэссэн бол Цагаан ордны анхны африк гаралтай захирагч болсон ач хүүтэйгээ баярт мөчийг нь хуваалцах байлаа...

Надад өөрчлөлт авчирч магадгүй гэж бодоод энэ долоо хоногоос олон нийтийн ажил ажилд идэвхитэй оролцож байхаар болов. Сайн дурын байгууллагын удирдах зөвлөлд орох гэж сонгуульд хүртэл хүч үзлээ. Гэхдээ 11 суудлын төлөө 11 хүн л өрсөлдсөн тул тийм ч хэцүү байсангүй ээ...

Thursday

Дахиад л бороо.Цаг агаарын мэдээ хардаггүй буруудлаа. Өглөө цэлмэг байсан болохоор шүхрээ ч авч гарсангүй.

Эхний цаг дээр quiz авч сандаргаад, гэхдээ азаар гайгүй хийчих шиг болсон.Уул нь бол айдаг хичээлүүдийн маань нэг. Заасан юмныхаа тухай биш, заах юмныхаа талаар асуусан болохоор бодож байгаад бичээд өгчихөв.Эхний quiz байсан болохоор харж үзсэн байх л даа.

Үдийн цайнаар номын сан орж ганц хоёр сонин гарчиглалаа,нөгөө л subprime crisis ээс өөр онц зүйл алга. Хоол идчихээд сурсан зангаараа мат-ийн хичээлдээ хоцроод очлоо. Мэдээж багшаасаа бол түрүүлнэ л дээ.

Багш ч бас сурсан зангаараа 10 мин хоцорч ирээд 1 радиустай тойргийг 1 талтай квадрат дотор зурчихдаг оюутнууддаа натурал тоон олонлогийг квадратынхаа олонлогтой тэнцүү тухай заадаг хичээлээ эхэллээ.Удахгүй орох борооны ачаар наран талд байдаг анги харин энэ удаад сэрүүн, гэхдээ бүгчим байв. Шалгалтан дээр ч суудал хуваарилдаггүй, бодлогоо тарааж өгчихөөд өөр юм хийгээд суучихдаг хэнэггүй багш маань танхим дундуур явж оюутнуудаас ганц хоёр юм асууж сандаргангаа лекцээ орчихоод сурсан зангаараа эрт тараачихлаа.

Өнөөдөр 3 пар-тайн сүүлийн цаг нь семинарын хичээл. Лекцтэй төстэй нь нэг багштай. Ялгаатай нь 300 биш 10 оюутантай. Ихэнхдээ discussion хэлбэртэй явагдана. Нэг гэм нь миний хувьд ангидаа хамгийн муу хэлтэй нь болохоор хэл загатнасан ч хэлээ хазаад өнгөрөх тохиолдол нэлээд их. Угаасаа ч нэг гадаад нөхөр Япончуудаас төрөлх хэлээр нь илүү ярина ч гэж юу байхав.Гэхдээ сайжрах тал дээр жаахан хичээхгүй бол ойрд хэлэндээ муу байна гэдгээ нэлээд мэдрэх боллоо , хэлүүлэх ч боллоо.Хичээхгүй бол...гэхдээ яаж?

Баахан улстөр сонсож сонсож тараад номын санд хэсэг суудаг баатар болсон чинь нэт-тэй зууралдсаар байтал таарлаа.Энэ семестерт цагаа номноос өөр зүйлд зарцуулъя гэж бодсон болохоор уул санаа нь бол зөв, орлуулга нь буруу гэх юм уу даа. Жаахан өөрчлөлт оруулахгүй бол тараад нэт, хариад кино болж таарах гээд байдаг...


Ингээд бичих зүйл ч дууслаа, харих цаг ч боллоо. Гарахад бороо зогсчихсон л байгаасай.

One evening in Tokyo

Мягмар гариг Wall Street-ийн хувьд час өдөр нь гэлтэй, өчигдрөр Нью-Йоркийн хөрөнгийн бирж бас нэгэн хэцүүхэн өдрийг туулсан бололтой. Гэхдээ надад л мэдрэгдсэн юм алга ,харин өнөөдрөөс эхэлж буй намрын улирлын хичээл сонголтууд л амьдралын хэмнэлд маань илүү нөлөөтэй байна гэх үү дээ. Нэг хөгжилтэй нь зун амарчихаад ирсэн чинь юм бичихэд гар эвлэхээ байчихаж.Энэ улиралд xавар сонгосон хичээлүүдээ үргэлжлүүлээд авчих болохоор хичээл сонголт хийнэ гэж ядаад байх зүйл ч бараг байхгүй , блогоо ойр ойрхон бичих завтай ч , бичих зүйлтэй ч байна.

Өчигдөр нэг найз маань ахтайгаа ирээд, нисэхээс нь өмнө дэлгүүрээр орж ганц нэг авах зүйл байгаа гэхээр нь Токиод байдаг нэг мэддэг дажгүй газар луугаа дагуулж яваад. Надад ч бас авах хэрэгтэй нэг зүйл байгаад байсан ч , гэрийн ойролцоох дэлгүүрт дуусчихсан, жаахан хүлээх хэрэгтэй гээд, нэтээр хайгаад ч олдохгүй байсан юм. Ингээд нөгөө хоёрынхоо юмыг нь авж өгчихөөд хайсан зүйлийнхээ эрэлд хотын төв руу явав.

Тайфунь дуусаагүй, Токио жаахан бороотой ,баахан л шүхэр барьсан хүмүүс [надаас бусад нь] нааш цааш алхацгаана. Зонтик барьсан тийм олон хүн урьд нь бараг хараагүй байх. Магадгүй хэдэн сая. Ингээд нөгөө зүйлийнхээ эрэлд гарлаа. 35 сая хүнтэй мегаполисийн төвөөр махийсан улбар шар тэмдэг хайж баахан явав, олсонгүй. Утсаараа ганц нэг зураг дарсан шиг яваад л байв, Nike- гийн swoosh олж харсангүй. Нэг мэдсэн офисын дүүрэгт ороод ирлээ. Мананцар дунд офисын барилгуудын орой нь харагдахгүй, тэнгэрээс буугаад ирсэн гэрэлтэй баганууд шиг л харагдаж байв.Энэ цагаар ердийн худалдааны гудамжнаас ялгаатай нь энд янз бүрийн эрээн мяраан рекламны гэрэл ч үгүй, эрт офисоосоо гараад явж буй ганц нэг костюмтай ажилчдаас өөр хүнгүй , нам гүм, ерөөнхийдөө дүнсийсэн газар. Эндээс хайсан зүйлээ олохгүй нь тодорхой.

Ерөнхийдөө орой ч болов, Nike ч дүүрч, гэнэт их өлссөнөө мэдрэв. Өглөөнөөс хойш 2 будааны ороомогноос өөр юм ам руугаа хийгээгүй байсан тул жаахан юм олж идэхээр буцаад явлаа. Хоолны газрууд үүдээр нь дараалал үүсчихсэн ид ачааллаараа ажиллаж байгаа бололтой. Амраар нь нэг МАК олоод бургер кофетэй авч явахаар захиалав. Ойрд идээгүй, бас дажгүй шүү. Гэхдээ үнээ хальт нэмчихжээ. Ер нь Японд гадуур юм идэж явах бараг нүдний гэм. Гэхдээ заримдаа усыг нь уучихаад ёсыг нь дагахгүй байх бас зүгээр санагдаад байдаг юм.

Гахайн мах, каффеин хоёрын ачаар жаахан энергитэй болчихоод гэр лүүгээ зүглэхээр метронд суулаа. Оройны метро дүүрэн хүнтэй,бүгд урт ажлын өдөр нэлээд ядарсан байрын, зарим нь жаахан халаалттай. Би ч бас нэлээн яваад ядарснаа мэдэн,цүнхээ буулгаад хөл дороо тавин, нэг бариул олж зүүгдээд , нүдээ анилаа...

"Жагсаав"

Өнөөдрийн нэг хичээл дээр ангийнхаа Япон охидыг "жагсаав". Жагсаасан ч гэж, өөр хэл дээр native-уудтай цуг ордог хичээл болохоор "мань эрс" ердийн адил томоотой сууж байсан ч өнөөдрийн дискашний гол бай болон ,удаа дарааллан асуугдаж ,ял тулгуулсан хүн шиг бүлтгэнэн суухыг нь хараад жаахан өрөвдөв kk .

...

Жан Нара билүү дээ, нэг жаахан хүүхэд шиг төрх,зантай Солонгос жүжигчин байдаг даа. Romance ихтэй Солонгос, Япон кинон дээр かわいい буюу Жан Нара шиг имижтэй cutie охид олон харсан байх. Харин үүнээс эрс өөр моод,дүр төрхийг бид [лав л би] Холливуудын кино, Мадонна,Бритни, Жолигийн стилээс харж дасал болсон байдаг.Анх Япон охидын үлгэрт гардаг шиг хувцас, эмоци ихтэй зан ааш их өвөрмөц содон санагдан, unique ази соёлын нэг хэлбэр л ийм байдаг юм байх гэж боддог байв. Хэт туйлширчихгүй бол магадгүй зарим үед эмэгтэй хүнд байвал бас зүгээр чанар байх л даа. Харин охин шиг харагдах зарим залуусыг бол огт ойлгодоггүй байсан, одоо харин бага зэрэг ойлгодог болох шиг боллоо... гэж.

...

Японд хавтгайрсан каваий буюу cute моодны талаар энэ хичээл дээр сонссон ,уншсан ,ойлгосон , ярилцсан зүйлүүдээ эмхтгээд дараагийн бичлэгтээ оруулнаа. Энэ удаа арай урт болчих юм шиг байна. Зүгээр л нийгэмд байгаа үзэгдлийг онол маркийн юманд оруулаад их серьёз тайлбарлачихаар бас их сонин л юм билээ.

"Ид шидэнд" итгэв

Хичээвэл бүгдийг хийж болно гэсэн утгатай Impossible is nothing гээд нэг СМ байдаг даа. Харин аливаа нэг зүйлийн үр дүн өөрөөс хамаараагүй тохиолдолд ямар нэг гайхахамшигт зүйл тохиолдоосой гээд хүлээхээс өөр аргагүй байдаг.

Заримдаа тэгвэл гайхамшиг бас байдаг гэдгийг өнгөрсөн амралтын өдрүүдээр Токио хавийн оюутнуудтай далайн эрэг яваxдаа харлаа. 2 дугаар курсын оюутнууд жил бүр нийлж зохиодог аялал л даа. Очих амралтын газар , автобус, хүний захиалга зэргийг нэлээд урьдчилж хийх шаардлагатай байдаг тул аяллын үеэр цаг агаар ямар байх талаар мэдэх аргагүй байдаг юм. Борооны улирал тул бороо бараг л орно , гэхдээ аз дайраасай гээд аяллыг өнгөрсөн амралтын өдрүүдээр дайруулан хийхээр товлочихсон байв. Тэгсэн өмнө нь "хэрэггүй үед" нар гарж гарчихаад , яг явах болсон чинь бороо орох магадлал 2 өдөр 90% тай гэдэг байгаа!!! Ер нь бол хувингаар цутгана л гэсэн үг л дээ. Цаг нь тулсан тул аяллыг хойшлуулах ямар ч боломжгүй байв.

Ингээд яалт ч гүй цугладгаараа цуглаад , явдгаараа явлаа.Бороо ч орно гэснээрээ орлоо.Бүр зад орсон гээч. Харин нэг гайхалтай зүйл тоxиолдсон нь юу вэ гэвэл бороо орохдоо автобусаар явж байх үе, орой харанхуй болоод байшиндаа орчихсон үеээр таараад яг далай руу явах, хоол хийж идэх гэх мэт "чухал" үед өмнө нь захиалаад зогсоочихсон юм шиг орсонгүй. 2 дахь өдрийн өглөө гийсэн нарыг хараад тийм тэнгэрээс шөнөжин бороо цутгасан гэхэд итгэмээргүй санагдсан шүү. Гайхамшиг тохиолддог юм билээ.

Харин ганц онцгүй нь далайн ус нэлээд хүйтэн, давалгаа ширүүн байсан. Усанд шидүүлж нороод солих хувцасгүй байснаас Монголд өвөл даарч үзээгүйгээрээ даарсан шүү. Тэгж даарсан тохиолдол лав санагдахгүй байгаа юм . Харин ханиад ч хүрээгүй, хатгаа ч аваагүй гарсан нь аз ч гэмээр ,эсвэл бас гайхамшиг ч юм уу хэхэ.

Аялалд оролцогчид хэр сэтгэл хангалуун буцсаныг хэлж мэдэхгүй ч буцахдаа автобусанд нам унтаж байсныг нь харахад ямар ч байсан нэлээд(магадгүй ойрд ядраагүйгээр, бас ойрд ядрахгүйгээр ) ядарсан гэдэг нь харагдаж байсан. Гэхдээ сэтгэл дундуур буцсан хүн гараагүй болов уу.

Ид шидийн талаар ярих гэж байгаад хадуураад явчихлаа. Эцэст нь нэг ажиглагдсан зүйл гэвэл зарим монголчуудад байдаг мурих гэдэг их муу зан энд ирээд ч засраагүй байх юм. Бусад нөхөддөө хүндрэл учруулахыг огт тоолгүйгээр,явна явна гэж автобус, байр хоолоо захиалуулчихаад яг явах өглөө нь хэлсэн амнаасаа буцан нэлээн хэдэн нөхөр мурьсан шүү.Бас нэг нөхөр хойноос өөрөө явж ирчихээд мөнгөө төлөхгүй гээд"... ийм юм болох гэж байгааг мэдээгүй , би гадаа хоночихьё, хоол ч идэхгүй ..."гээд тас гүрийчихдэг юм даа. Уул нь хоншоортэй эр хүн шиг л баки залуу харагдсан байдаггүй...Ийм тохиолдолд хэрэгжүүлэх бизнес этикийн хичээлийг менежментийн лекцээр лав сурахгүй юм билээ.

Unknown song

Залхуутай урт урт бичлэгүүд оруулсаар байтал сүүлдээ өөрөө хараад ч залхуу хүрдэг болчихож. Дээр Airport дээр удаан хэмнэлтэй нэгэн дууны дахилт явж байхыг сонссон юм. Цас орох гээд нэг л бүүдгэр өдөр ганцаар явж байхад тэр дуу яагаад ч юм гоё санагдсан тул хайж хайж оллоо.Бас жаахан залхуутай л дуу кк.

Cheap talks

Өнөөдөр хичээл тараад явж байтал нэг таксины жолооч хар нөхөр дугуйгаа хагалчихаад солих гээд ганцаараа арай л дийлэхгүй байна гээд хажуугаар нь өнгөрч байсан надаас тусламж хүсдэг юм байна.Мэдэхгүй хүмүүсийг хуурч тойруу замаар явах гэж үзээд байдаг таксины жолооч нарт уул нь тийм дуртай ч биш л дээ. Ядаж байхад өмнө нь Airport-оос Host-ийндоо хүргүүлэх гээд такси барьсан чинь жолооч нь гэж нэг орос нөхөр замдаа утсаар өөр нэг нөхрөөс яаж явбал GPS дээр зааснаас холуур явах вэ гэж асуугаад , гарах ёстой төлбөрөөс их мөнгө аваад дургуй хүргээд хаячихсныг ч хэлхүү.

Гэхдээ яахав тусалчихаад л цааш явлаа.Нэг их хэцүү ажил ч байгаагүй л дээ, шинэ дугуйг нь нийлж өргөөд боолтны нүхнүүд рүү нь тааруулж оруулах л хэрэгтэй байсан юм. Надаас хорсон юм байхгүй, гар л жаахан тос болсон байх. Харин чадах зүйлээрээ нэг ч гэсэн хүн баярлуулчихаар дараа нь сайхан л санагдаад... Нэг ёсны хөдөлмөрлөсний төлөөх төлбөр нь тэр гэж ойлгож болох л байх. Цагийн ажил хийхийн нэг муу тал нь хөдөлсөн болгоныхоо төлбөрийг ямар нэгэн хэлбэрээр тооцдог болчих юм аа гэж кк. Гэхдээ хүн бүр 2ын хооронд юм хүнээс авах гэж биш, чадах юмаараа бусдад тусалдаг байвал нийгэм илүү сайхан байх байхдаа...Яг л сайхан зах зээлжээгүй хөдөөний ард шиг.

20Feb08
Boston

Цас,бороо,Exam, сар шинэ

Сар шинийн мэнд хүргэе! Ойрд цас бороо шалгалттай холилдож ороод ширүүхэн байваа.Өмнө нь нэг их мэдэрдэггүй байж, Японд ирсээр шалгуулж сурч байна шүү. Сүмогийн башё шиг 2 долоо хоног үргэлжлэх шалгалт лекцэн дээрх нойрноос сэргээж, сэтгэлзүй, мэдлэг,дадлага, авхаалж ,хурд,ой тогтоолт ,тактик гээд өчнөөн юм шалгачих юм. Cая ч тэгж их сүйд болсон юм ч байхгүй л дээ. 100%- ийг зорих ,80%- ийг зорихын ялгааны ачаар ямар ч байсан 8 цаг унтаад 1 цаг нет хэсэхээ мартсангүй. Гэхдээ л дууссан чинь нэг их том ажил хийгээд ядарчихсан юм шиг санагдаад, хөгширч байгаа ч юм болов уу хэхэ. Одоо нэг реферат биччихвэл 1 дүгээр курсээ төгслөө гэж... Шинийн нэгний өглөө сургууль руугаа мөрөө гаргаад бүртгэлийн хичээл их хийчихсэн, энэ жилжингээ бүртгэл хийх төлөвтэй...

City Mayors

Өвлийн амралт дуусч, буцаад л гэр- сургууль гэсэн маршрутандаа орлоо. Шинэ жилийн уур амьсгал дуусаагүй байхад анхны бороо орчихдог нь жаахан тийм, бас шинэ оны эхний хичээлийн өдөр 2 ч тест авчихдаг нь бас тийм. Ойрд сайн амарсны ачаар даалгаврууд овоороод мөн тийм... Urbanism and Architecture гэдэг хичээл дээр нэг хотын талаар репорт бичих гээд материал хайж яваад　City Mayors гэдэг web site -аар орж үзлээ.

Амьдрах өртөг ,талбай ,хүн ам гэх мэт олон хэмжүүрээр дэлхийн хотуудыг харьцуулснаас гадна шилдэг хотуудыг зарлан, улс төр, бизнес, эдийн засгийн мэдээллүүдийг түгээдэг сонирхолтой вэб хуудас бололтой.

Largest cities in the world ranked by population (1 to25)

Rank	City / Urban area	Country	Population	Land area (in sqKm)	Density (people per sqKm)
1	Tokyo/Yokohama	Japan	33,200,000	6,993	4,750
2	New York Metro	USA	17,800,000	8,683	2,050
3	Sao Paulo	Brazil	17,700,000	1,968	9,000
4	Seoul/Incheon	South Korea	17,500,000	1,049	16,700
5	Mexico City	Mexico	17,400,000	2,072	8,400
6	Osaka/Kobe/Kyoto	Japan	16,425,000	2,564	6,400
7	Manila	Philippines	14,750,000	1,399	10,550
8	Mumbai	India	14,350,000	484	29,650
9	Delhi	India	14,300,000	1,295	11,050
10	Jakarta	Indonesia	14,250,000	1,360	10,500
11	Lagos	Nigeria	13,400,000	738	18,150
12	Kolkata	India	12,700,000	531	23,900
13	Cairo	Egypt	12,200,000	1,295	9,400
14	Los Angeles	USA	11,789,000	4,320	2,750
15	Buenos Aires	Argentina	11,200,000	2,266	4,950
16	Rio de Janeiro	Brazil	10,800,000	1,580	6,850
17	Moscow	Russia	10,500,000	2,150	4,900
18	Shanghai	China	10,000,000	746	13,400
19	Karachi	Pakistan	9,800,000	518	18,900
20	Paris	France	9,645,000	2,723	3,550
21	Istanbul	Turkey	9,000,000	1,166	7,700
22	Nagoya	Japan	9,000,000	2,875	3,150
23	Beijing	China	8,614,000	748	11,500
24	Chicago	USA	8,308,000	5,498	1,500
25	London	UK	8,278,000	1,623	5,100

Aimless(continue)

Гэртээ ирээд л уламажлал ёсоор PC -ээ асаачаад , гутлаа тайлаад messenger sign in, gaidai.sakure.ne.jp, getsu25.blogspot.com,nba.com, olloo.mn, vimomn.net ...Орой нь амьдардаг оюутны байрны party- тай байсан болохоор хариад ном уншина гэдэг ч худлаа боллоо. Үг олдохоор сонирхолгүй тул үлдсэн хэсгийг зургаар тайлбарлачихъя.

Өвөл, хавар 2 парти болдог юм .

Хар шар, далайд гарцтай, давхар далайд гарцгүй гээд олон орныхон цугладаг ч ерөнхийдөө хужаа нар, солонгосчууд хамгийн олон.










Энэ үед л цуг амьдардаг гаруудынхаа барааг харах юм даа.





















Хоолноос нь жаахан хоцорчихсон нь тиймэрхүү юм болсон...
















Бинго тоглуулав, сонирхолтой л юм билээ.

Nintendo, Disney Land явах эрх энэ тэрийг нь хожиж чадаагүй ч хоосонгүй шүү. чойроод байгаа болохоорном их уншаарай гэж байгаа дохио гэж ойлгохоос кк





Давхрын ахлагч Япон оюутнууд концерт тоглож үзүүлэв








Концертийг үзэцгээв






Тэгээд л party..Хамтлаг нь жаахан хуучин санагдсан.












Disco...
Чойрлын гол дүр чинь энэ дээ.




Нэг иймэрхүү. Харин гэр рүүгээ орох замдаа Осакагаас цуг ирсэн Бятнам юу хийж байна гээд цонхоор харсан яг хэвэндээ.Овоо муу гар шүү. Хагас жилийн голч оноо нь 4.0 . Гадаад оюутнууд дотор хамгийн өндөр нь .Ер нь хамгийн өндөр нь ч байж магад. Ингэж хичээдэг байхнээ...Сайн харж авий..


Энэ 7 хоног хийсэн бүтээсэн зүйлгүй чойроод өнгөрлөө гэж. How about you?

Aimless

Нэг зүйл хүүрнээд ,бусадтай хуваалцаад, өөрөө дараа нь унших нь блог бичихийн нэг гоё нь юм даа. Сүүлийн 2 сар хичээл,ажил гээд амрах цаггүй болчих онцгүй санагдаад нэг саайййхан амарч авъя гэж бодон өөртөө цаг гарган олон зүйл төлөвлөсөн ч усанд ороод ,хоол хийж идсэнээс өөр үр бүтээлтэй юм хийгээгүй Ням гаригаас эхэлсэн чойрлынхоо талаар ярьж өгье .

1 дэх өдөр нь circle-өө пялчихлаа.Ойрд яриагүй гайдай-ийхантайгаа ,чухал ярианд хэрэгтэй санаа нэмэрлээгүй ч оройжин конферэнсдээд, гоё байсан ч маргаашийн даалгавар будаа. өглөө метронд нэгийг нь, нөгөөг нь үдийн завсарлагаанаар давтсан болоод 2 дахь өдрийн 2 сорилоо өгчихөөд, сүүлийн хичээл дээрээ сурсан зангаараа унтаж байгаад л гарч ирэв...Энэ өдөр зав залхуу 2 нийлээд хоол идэхээ умартчихсан байв.

Гадаад оюутнуудтай сагсддаг 3 дахь өдөр тоглолт нэг л санаснаар болсонгүй, тараад хоол идэж байгаад сүүлийн галт тэрэгнээс хоцорчихлоо. Тэгээд юу хийхэв, ノミカイ...махчилвал "архидах"арай зөөллөвөл "шоу "л гэсэн үг л дээ. Сүүлийн 3 week 3дахь өдөр гэртээ хоносонгүй...4дхд тараад хүн төрхөндөө орохоор гэрийн зүг марш.Үс өрвийгөөд, хөлстэй хувцас биед наалдаад хэрэг алгаа...

Өнөө өглөө (Friday) хүчилж байгаад эхний цаг дээрээ очоод тас.Өчигдөр гэртээ ирээд усанд орчихоод л орой 7 -ийн үед унтсан ч нэлээн ядарсан бололтой. Үдийн завсарлагаанаар гарсан нар гийсэн дулаахан сайхан өдөр байлаа.
Улс төрийн бу-гийхэн плакат, лоозонгоо барьчихсан ухуулга хуудас тараагаад, цагаан хоолойгоор орилдгоороо орилоод л... Waseda-ийнхантай нийлчээд л anti war walk,Yндсэн хууль, Америк ,Япон ,Ирак гээд л чухал чухал юм яриад л байдын, хэн ч анхаардаггүй л болохоос...Өллсөн оюутнууд кафетериа руу яарцгаагаад л, алхах нь алхаад, жийх нь жийгээд..Нарлаж хэсэг суулаа...
Нарлаж суухдаа дарсан зургаа тавьчихлаа. 5ddxiin suuliin tsag Бүртгэлийн хичээл дээр багш хажууд зогсоод байсан тул нилээн анхаарч суун ovoo талыг нь ойлголоо. Үлдсэн хэсэгт нь sursan zangaaraa хариад номоо уншихаас л гэж бодоод сууж байлаагэж...

Зүгээр л тэмдэглэл

Бямба гаригт хичээл хийхгүй байхаар шийдлээ. Яг хийхгүй ч биш л дээ , ширээний ард сууж хийдэг тийм хичээл л хийхгүй гэвэл илүү оновчтой болох байх.

Уянгалаг хөгжим, тансаг орчин, нэг насаараа цуг байхаар шийдсэн дурлалт хос тэдний хамгийн ойр дотны хүмүүс...ба дэлхийд шилдэг үйлчилгээ үзүүлэхээр хором бүрийд тооцоолсон зүйлсийг амжуулахаар шамдацгаах үйлчлэгч, зохицуулагчид хоорондоо нэг л ханаар турсгаарлагдана. Хананы нэг талд бүх зүйл төгс цогцолсон гэлтэй намуун тайван орчин ,нөгөө талд дор дороо нэг зүйл хийн гүйх нь холгүй хурдалцгаах форм өмссөн хүмүүсийн урсгал эсрэг гэлтэй зэрэгцэн оршино .

Бүтээж буй дүрийн маань хийх ёстой ажил товчхондоо ёслолын танхимыг бэлдэх, зочид ирэхээр үйлчлэх, явахаар нь цэвэрлээд дахин бэлдэх энэ ажилд оролцох явдал. Хийх зүйл их гэхдээ хялбар , гагц хүү хурд шаардана. Заалгаагүй хүн бол 4 сэрээ 4 хутга 2 халбага 1 таваг 1 хундага 1 стакан ширээн дээр өр гэвэл чадахгүй байх л даа. Эд зүйлтэй харьцах ч сурчих л асуудал , харин машины үнэтэй кимоно өмссөн зочинтой харьцах шал өөр асуудал юм билээ.

Хүн хүрэлцээгүйн улмаас шууд үйлчилгээнд гаргачихсан тул туршлага байхгүй миний хувьд хичээсэн ч гэсэн эхний удаад факт дүүрэн байв. Учраа сайн олохгүй байгаа шинжтэй нүдний шилтэй залуу л төгс ёслолын ганц төгс бус зүйл нь байсан гэлтэй. Өндөр сэтгэгдэлтэй зочид түүнийг анзаарах сөхөө бага байсан гэж л найдахаас. Мөнгөө өөрөө төлөөгүй үедээ та ч бас над шиг туршлага багатай ч үнэхээр хичээж байгаа үйлчлэгч тааралдвал өгөөмөр хандаж байгаарай...