Semester ends

Факультетэд 5 улирал сурснаас энэ улирал ерөнхийдөө хамгийн хүнд нь байлаа. Хичээлийн хувьд ч, хичээлээс гадуур ч. Хэдэн good movie үзэх ч завгүй нөхөр явсаар нэг мэдэхэд л улирал дуусчихдаг юм байна. Гийсэн гийгээгүй олон юмтай зууралдаад аль алийг нь болтол хийлгүй өнгөрчих шиг боллоо харин. Ямартаа ч нэлээд зүйлийн ард гарч, амралтын үнэрийг мэдрэх муугүй байна шүү.

Гэр ч сургуулиас холдоод, мэргэжлийн хичээлүүд ч нэмэгдээд нэлээд онцлог семестер байлаа энэ удаа. Харин шалгалтууд ойртлоо ч гэж сандарсангүй, дууслаа ч гэж нэг их хөөрсөнгүй, болчих байлгүй гэж явж байгаад л дуусгачихав. Ер нь freshman байсан үетэй харьцуулахад нэлээд өөрчлөлтүүд гарсныг анзаарав. Нэг typical япон оюутны дүр төрхтэй нэлээд төстэй student life руул хэвийгээд яваад байх шиг байна гэх үү дээ. Дараа энэ талаар нэг бичнээ...Одоо харин хотоос холхон яваад battery-гаа нэг сайн цэнэглэх л...

Guest lecturer: Panasonic 元HRM

Сургуулийн гадаад оютнуудын career дэмжих арга хэмжээнд Panasonic-оос хүн ирж яриа хийв.Урьд нь headquarters-даа HRM хийж байгаад одоо нэг салбар компанийх нь захиралаар ажиллаж байгаа юм байна. Boston Career Forum гэх мэтийн томоохон арга хэмжээнүүдэд гадаад ажилтнууд recruit хийж байсан, гадаадууд юу сонирхдогийг мэддэг хүн болохоор оюутнуудад нэлээн хэрэгтэй мэдээлэл өгч чадсан байх. Panasonic-оортөлөөлүүлээд ер нь Япон компаниуд ямар байдгийг мэдэж авах нэг завшаан боллоо.

Эхлээд уламжлал ёсоор компаний танилцуулга, recruitment process тэгээд төгсгөлд нь Q&A . Асуулт хариулт дээр Panasonic-ийн гол онцлогийг нь асуухад глобал компани болох тал дээр бусад Япон компаниудаас нэг алхам урд яваа гэдгийг онцолж байв. Гадаад ажилчдыг сургах туршлага, ажилчдын тоогоороо ч топ нь бололтой. Япон компаниуд улс улсын онцлогт нь тааруулаад recruit хийдэг хандлагатай байдаг ч Panasonic-ийн хувьд дэлхий даяар ижилхэн стандартаар шалгаж авдаг нь бас нэг онцлог юм байна. Manufacturer болоод ч тэр үү diversity -ээс гадна тухайн орны зах зээл рүү гүүр болохыг гадаад ажилчдаас хүлээдэг юм байна. (Хятад г.м том зах зээлтэй орныхны хувьд offer авах chance өндөр байж магадгүй гэж бодлоо.) Бас нэг анхаарлын төвд байгаа зүйл бол мэдээж хямралын үр дүнд гаргачихаад байгаа их хэмжээний алдагдал ч Panasonic-ийн ирээдүйд эргэлзсэний хэрэггүй гэж байв. Benefit -ийн хувьд бүтээмжээр нь үнэлдэг систем нэвтэрч байгаа ч seniority нэлээд хүчтэй , өөрөөр хэлбэл урт хугацаанд Panasonic-д байх хүмүүсийг цуглуулах сонирхолтой бололтой.

Бас нэг зүйл гэвэл ажиллах хүч хямд орнуудад үйлдвэрлэл явуулж орчныг нь бохирдуулаад, өөрсдөө бааахан ашиг олоод яваад өгөх биш, олсон ашгаасаа эргүүлээд нутгийхантай хуваалцдаг policy нь дажгүй санагдлаа. CSR-ийнхээ хүрээнд оюутнуудад зориулсан тэтгэлэг болон байгаль орчныг хамгаалах үйл ажиллагаа г.м зүйлс хийдэг гэнэ. Саяхны нэг жишээ нь Хятадад 1 сая мод тарих аян өрнүүлээд байгаа юм байна.


P.S:
-Panasonic-ийн талаар танилцуулахад: National, Panasonic г.м брэндүүдээр бүгд мэдэх байх. Түрүү жил Мацүшита(үүсгэн байгуулагчийнх нь нэр) гэдэг нэрээ глобалаар Panasonic болгож өөрчилж байсан нь нэлээд том мэдээ болж байсан. Баруун Японд(Осака) төвтэй, глобалаар 556 групп компаниас бүрддэг, 300 000 гаруй ажилчинтай дэлхийн электрон бараа үйлдвэрлэлийн том тоглогчдийн нэг. Sales 50% нь Япон, 50% нь гадаад зах зээл эзэлдэг юм байна.
-Panasonic Монголд салбар нь байхгүй ч GLobal Telecom,Global Electronics гэдэг 2 компанитай холбоотой ажилладаг юм байна.

-Японд хөгшрөлт эрчимтэй явагдаж байгаа болохоор ойрын 10-15 жилд ажиллах хүчний дутагдал 4 саяд хүрнэ. Үүний тал бюуу 2 сая орчим орон тоог гадаад ажиллах хүчээр нөхөх plan-тай байгаа юм байан.

Guest speaker: Government Official

Земи-гийн энэ улирлын зочноор багшийн танил Японы Гадаад хэргийн Яамны нэг ажилтан ирж яриа хийв. Мань хүн өнгөрсөн жилийн Хоккайдод болсон G8 Summit-ийг зохион байгуулах ажлыг удирдсан ба судалгааны сэдэвтэй хамаарал багатай ч их сонирхолтой яриа хийнэ гээд урьж авчирсан юм. Keio-Oxford- төрийн алба гэсэн замаар явж ирсэн, Койзумигаас хойш PM-ийг дагаад "нүүдэллэж" явдаг багийн гишүүн, мэдээгээр нэлээд гардаг хүмүүсийн нэг юм байна. Ер нь Entrepreneurial ертөнцөөс гадуурх Японы элит-ийн яриа сонсох ховор боломжийн нэг байлаа. 公務員(government official)-ий талаарх төсөөлөл ч их өөрчлөгдөв.

Яриа чөлөөт хэлбэртэй, яамны ажилтан ч бодож байснаас хамаагүй энгийн, хөгжилтэй хүн байв. Ерөнхийдөө өөрийн хийдэг ажил, одоогийн Японы гадаад бодлогын онцлог , төрийн ажилтан байхын хар цагаан тал, тэгээд оюутнуудад зөвлөж хэлэх зүйлс гэсэн бүтэцтэй яриа хийв. Яриа дуусаад бүгд хоолонд орохоор явсан ч дараагийн цаг шалгалттай байсан болохоор цуг явж чадаагүй.

Олон улсын хэлэлцээрүүд дээр европын орнууд их эвсдэг болохоор Японы сонирхлыг тусгахын тулд Америктэй хэрхэн хуйвалдах, Хятадтай хамтарч ажиллангаа хэлэх зүйлээ ч хэлэх эвтэйхэн аргууд гэх мэт Японы дипломат харилцааны асуудлууд мөн пуужин харваж дүрсгүйтээд байгаа зарим нэг улстай холбоотой асуудлуудын талаар ам нээж болох хүрээ хүртлээ ярьсан нь сонирхолтой санагдав.

Ажлын цаг урт, стресс ихтэй corporate life-тай харьцуулахад төрийн алба амар гэж боддог байсан чинь нэлээд өөр бололтой. Маш олон талын мэдлэг, хэд хэдэн хэлний чадвар шаарддаг болохоор ганц OJT ч биш байнга сурч байх, дээр нь нэлээд hardworking байхгүй бол ард нь гарахгүй их ажилтай байдаг талаар сонсоод амар биш юм байна гэж бодогдов. Summit дуусаад жаахан амсxийх байх гэсэн чинь Lehman шок эхлээд завгүй өдрүүд олшроод байгааг ярьж байсан. Өнгөрсөн долоо хоногт унтсан цаг нь дунжаар өдөрт 2.5 цаг.

Сүүлд нь professional болчихоор мэргэжлээсээ өөр юм мэддэггүй nerd болохоос өөр аргагүй байдаг. Тиймээс nichts буюу хүн биш тийм нөхдүүд болчихгүйн тулд оюутан насандаа тал талын мэдлэгийн package олж олж аван хорвоог илүү өргөн нүдээр хардаг болох хэрэгтэйг зөвлөсөнөөр яриа дуусав.

Happiness

i do know about the happiness. i feel it when i think about those days of my early childhood-those precious moments i spent with my grandparents...all i knew was i was loved. and nothing else.no worries. no struggles for ambition. only peace...
Now they are gone.far away. but they are always here.in my memory...